අන්තඃගර්භාෂයික සංසේචනය (IUI)

අන්තඃගර්භාෂයික සංසේචන ක්‍රියාවලියේ පියවරයන්

1. ඩිම්භ උත්තේජනය

   • කාන්තාවකගේ ඔසප් චක්‍රය ආරම්භ වී 12 වැනි දිනයේ සිදුකරන ස්කෑන් පරීක්ෂණයක් මගින් පරිණත ඩිම්භයක් ස්වාභාවික වර්ධනය වී ඇත්දැයි නිරීක්ෂණය කෙරේ
   • එසේ ස්වාභාවිකව ඩිම්භ පරිණත නොවන කාන්තාවක් නම් ඔසප් චක්‍රය ආරම්භ වී දෙවනි දින සිට දින පහක් හෝමෝන පෙති ලබාදේ
   • මෙම හෝමෝන පෙති මගින් ඩිම්භ වර්ධනය වීම උත්තේජනය කෙරේ

2. ස්කෑන් පරීක්ෂණය

   
   පරිණත ඩිම්භයක් ස්කෑන් පරීක්ෂණයක් හරහා පෙනෙන ආකාරය

   • ඔසප් චක්‍රය ආරම්භ වී 12 වැනි දින ස්කෑන් පරීක්ෂණයක් මගින් පරිණත ඩිම්භ නිරීක්ෂණය කෙරේ
   • පරිණත වූ ඩිම්භයක් සාමාන්‍යයෙන් මිලිමීටර 18 ක් හෝ ඊට වඩා වැඩි වියයුතුයි
   • පරිණත වූ ඩිම්භයක් ඇතිනම්, HCG එන්නත ලබාදී ඩිම්භ මෝචනය උත්තේජනය කෙරේ. (ඩිම්භ මෝචනය යනු පරිණත වූ ඩිම්භයක් ඩිම්භකෝෂ වලින් පිටවීමයි)
   • HCG එන්නත ලබාදී පැය 36 කින්, එනම් ඔසප් වී 14 වැනි දිනයේ නැවත ස්කෑන් පරීක්ෂණයක් ඔස්සේ ඩිම්භ මෝචනය වී ඇත්දැයි නිරීක්ෂණය කෙරේ

3. ශුක්‍රාණු සාම්පලයක් පිළියෙල කර ගැනීම

   • මෙහිදී සචල, සඵල හා රූපාකාරයෙන් බහුල ශුක්‍රාණු තෝරා වෙන්කර ගැනීම සිදුකෙරේ

   • ශුක්‍රාණු සාම්පලයක් සකසා ගැනීමට පෙර

   • ශුක්‍රාණු සාම්පලයක් සකසා ගැනීමෙන් පසු

4. ශුක්‍රාණු ගර්භාෂයේ තැම්පත් කිරීම

   • HCG එන්නත ලබාදීමෙන් අනතුරුව, ඩිම්භයක් මෝචනය වී ඇතිනම්, තෝරා පිළියෙල කරගත් සාම්පලය අයි.යු.අයි. කැතීටරයක් භාවිතයෙන් යෝනිමාර්ගය හරහා ගර්භාෂය තුළ තැම්පත් කෙරේ
   • මෙම ප්‍රතිකර්මයේ ඇති වාසිය වනුයේ, තැම්පත් කරන සියළුම ශුක්‍රාණු සක්‍රීය බවින් ඉහලවීමත්, ගර්භාෂය තුළම තැම්පත් කරන බැවින් පැලෝපීය නාලය ඔස්සේ පිහිනාගොස් සංසේචනය වීමට ඇති ප්‍රවණතාවය ඉහල වීමත්ය
   • සංසේචනය වූ ඩිම්භය කළලයක් බවට වර්ධනය වෙමින් ගර්භාෂයේ අධිරෝපණය වේ

5. ගර්භණීභාවය පරික්ෂා කිරීම

   
   දරුගැබක් ස්කෑන් පරීක්ෂණයක් හරහා පෙනෙන ආකාරය

   • Serum ß HCG යන රුධිර පරීක්ෂණය මගින් ගර්භණීභාවය තහවුරු කරගත හැකිය
   • සාමාන්‍යයෙන් මෙම රුධිර පරික්ෂාව සිදුකරනුයේ ශුක්‍රාණු තැම්පත් කළ දිනයේ සිට දින 14 කිනි
   • ඊට දින 14 කට පසු අල්ට්‍රා සවුන්ඩ් ස්කෑන් පරීක්ෂණයක් මගින් තවදුරටත් ගර්භණීභාවය තහවුරු කරගත හැකිය